മലമുകള് ഇടവക - ഒരു തിരനോട്ടം...ചില
വീണ്ടു വിചാരങ്ങള്...
[ഇടവക കൌണ്സില് അംഗങ്ങള്ക്കും
ഇടവക ജനത്തിനും...]
ഇവിടെ ശുശ്രുഷ ആരംഭിച്ചിട്ട്
ഒന്നര വര്ഷം കഴിയുന്ന സാഹചര്യത്തില് ഒരു തിരനോട്ടം അഭികാമ്യമെന്ന് കരുതുന്നു...
വികാരിയെക്കുറിച്ചുള്ള
നിങ്ങളുടെ അഭിപ്രയാങ്ങള് ചോതിച്ചിരുന്നു, വിലയിരുത്തലുകള്
ആവശ്യപ്പെട്ടിരുന്നു... ഇതുവരെ ആരും അതിനു തയ്യാറായിട്ടില്ല... എന്നാല് എനിക്ക്
ചിലതൊക്കെ പറയാനും, പങ്കു വയ്ക്കാനും ഉണ്ട്, ഇടവകയുടെ നന്മയ്ക്ക്, വളര്ച്ചക്ക്
ഉപഹരിക്കും എന്ന വിശ്വാസത്തില് അതിവിടെ കുറിക്കട്ടെ...
ശുശ്രുഷ ആരംഭിച്ച
ഒരു മാസം പിന്നിട്ടപ്പോള്തന്നെ സുവര്ണ ജൂബിലീ ആഘോഷ ആലോചനകളും ആരംഭിച്ച്ച്ചു.
തുടര്ന്ന് ജൂബിലി സ്മാരകം എന്നോണം കാലഹ രണപ്പെട്ട ഹാള് നവീകരിക്കാന്/ പുനര്നിര്മ്മിക്കാന്
സെപ്തംബര് അവസാനത്തോടെ പണി ആരംഭിച്ചു.
വെറും മൂന്നു
മാസങ്ങള്കൊണ്ട് 25,76,748/- രൂപയുടെ ബൃഹത്തായ ആ സംരംഭം
പൂര്ത്തിയായി. [ഏതാണ്ട് 20% ഇടവകയും, 45% രൂപതയും, ബാക്കി പുറത്തുനിന്നുള്ള സുഹൃത്തുക്കളും സ്ഥാപനങ്ങളും ഇടവകകളും
തന്നതാണ്. കോണ്ട്രാക്ടര്/എഞ്ചിനിയര്
സേവ്യര് സാറിനു ഏതാണ്ട് 500000/- ത്തോളം ബാധ്യതയായി
അവശേഷിക്കെത്തന്നെ...]
വികാരിയുടെ
അലവന്സില് ആദ്യം ¼ -ഉം, പിന്നെ സെപ്റ്റംബര്
മുതല് 1/7-ഉം മാത്രവുമാണ് ഇടവക തരുന്നത്. അതിന്റെ ബാക്കിയും, ഉപദേശിക്കു ആദ്യം
പ്രതിമാസം 400/-ഉം പിന്നെ സെപ്റ്റംബര്
മുതല് 2000/-ഉം രൂപതയാണ് നല്കിവരുന്നത്.
ഈ പശ്ചാത്തലത്തില്
അഭിമാനപൂര്വം സ്വന്തം കാലില് നില്ക്കാനുള്ള ഒരു ശ്രമവും നമ്മുടെ ഭാഗത്തുനിന്നു
നാളിതുവരെ ഉണ്ടായിട്ടില്ല, അത് ഹാളില് നിന്നാവട്ടെ, മറ്റു മാര്ഗങ്ങളില്
നിന്നാവട്ടെ.... ഇങ്ങനെ തുടരാന് എനിക്ക് ബുദ്ധിമുട്ടുണ്ട്...
വന്നപ്പോള് മുതലേ
ശ്രദ്ധിക്കപ്പെട്ട തലമുറകളുടെ വിടവ് വര്ദ്ധിച്ചു ഒരു വിഭാഗീയതയായി
പൊട്ടിത്തെറിച്ചത് നാം കണ്ടു... തുടര്ന്നങ്ങോട്ട് കളികളുടെ ഒരു കാലമായിരുന്നു...
പ്രശ്നങ്ങള് പരിഹരിക്കയല്ല, വഷളാക്കയായാണ് ഉണ്ടായത്. ഇടവക കൂട്ടായ്മയുടെ ആദ്മാവ് നഷ്ടപ്പെട്ടതുപോലെ... ഒരുതരം നിസ്സംഗത പലയിടത്തും
അനുഭവപ്പെടുന്നു... ചില സംവിധാനങ്ങള് നാഥനില്ല കളരിയായിട്ടുണ്ട്... ആരും അത്
ശ്രദ്ധിച്ഛമട്ടില്ലാ...
നീതി നടത്തേണ്ട
കൌന്സില് ആരെയോ ഭയപ്പെടുന്നതുപോലെ, സ്വന്തം അഭിപ്രായം പറയാന്പോലും കഴിയാതെ
അലംഭാവം കാണിക്കുന്നു.. ഇത് ഒരു സഭാ സമുഹത്തിന് യോജിച്ചതല്ല... ക്രൈസ്തവവുമല്ല...
ഇത് ഇടവകയെ വളര്ത്തുകയല്ല, തളര്ത്തുകയെ ചെയ്യൂ... ചിലരൊക്കെ കൌന്സില് നടപടികള്
ഭോധപൂര്വം തടസ്സപ്പെടുത്തുകയോ, നിര്ജ്ജീവമാക്കാന് ശ്രമിക്കയോ ചെയ്യുന്നു എന്നും
മനസ്സിലാക്കുന്നു... ചില ‘കളികള്’ പുറത്തു ആസൂത്രണംചെയ്ത് കൌണ്സിലില്
അരങ്ങേറ്റുന്നു എന്നും തോന്നിപ്പോകും..
സാധാരണക്കാര്
ഇന്നും കാണികള് മാത്രമാണ്... അവരെ ആരും വിശ്വാസത്തില് എടുക്കുന്നില്ല, മുഖവിലയ്ക്കെടുക്കുന്നില്ല...
തീരുമാനങ്ങള് അടിച്ചേല്പ്പിക്കുന്നു... പള്ളിയും ഇടവകയും അവര്ക്ക് സ്വന്തം
ആണെന്ന ബോധം അവര്ക്കില്ല.. അത് സംരക്ഷിക്കേണ്ടതും അവരാണെന്ന കാര്യം അവരില്
നിന്നും മറച്ചു വച്ചു ആരൊക്കെയോ അത് ചെയ്യുന്നതായി പ്രഹസ്വനം കാട്ടുന്നു.. അവര്
മുഖ്യ ധാരയില് വന്നാല് ചിലരുടെ പ്രമാണിത്തം പോവുമെന്ന് കരുതി അവരെ
അടുപ്പിക്കുന്നില്ല.. പ്രോത്സാഹിപ്പിക്കാറില്ല എന്ന് മാത്രമല്ല
നിരുല്സാഹപ്പെടുത്തുകകൂടി ചെയ്യുന്നു.
അവര്ക്കും പലതും
പറയുവാനുണ്ടാവും, പ്രതികരിക്കുവാനും.. അവരുടെ കാര്യങ്ങള്/ ഭാഗധേയങ്ങള്
തീരുമാനിക്കാന്, നിര്ണയിക്കാന് അവര്ക്കും ആവും... സ്ഥിരം കഥാ പാത്രങ്ങള്
വല്ലപ്പോഴുമെങ്കിലും അരങ്ങു മാറിക്കൊടുക്കണം, അവര്ക്കും ചിലതൊക്കെ
അവതരിപ്പിക്കാന് ഉണ്ടാവും.. ‘താഴെക്കിടയില്’ കഴിയുന്നവരെ ശാക്തികരിക്കണം,
എങ്കിലേ സഭ വളരു, സജീവമാവു..
വ്യക്തി
വൈരാഗ്യങ്ങളും മറ്റും പള്ളിയുടെ പേരില് ആവരുത്, പ്രതികാരം വീട്ടരുത്...
ഉത്തരവാദിത്ത സ്ഥാനങ്ങളില് എത്തിയാല് സ്വജന പക്ഷപാതം അരുത്... നീതി, നീതി
മാത്രം... അര്ഹത മാത്രം...
എല്ലാ പൊതു
വേദികളിലും ചിലരുടെ കുത്തക ഉറപ്പിച്ചിരിക്കുകയാണ്... ഇത് മാറാതെ ഇടവക ദൈവ
ജനമാവില്ല... വളരില്ല... സ്വാശ്രയം കൂടാതെ, സ്വാഭിമാനമില്ലാതെ ഒരു ജനതയ്ക്കും
നേട്ടങ്ങള് കൈവരിക്കാനാവില്ല...
ഇതിനുവേണ്ടിയാണ്
ഞാന് എന്നും പരിശ്രമിച്ചിട്ടുള്ളതും പ്രസംഗിച്ചിട്ടുള്ളതും...
മറിച്ചുള്ളവയ്ക്ക് കാര്മികത്വം വഹിക്കയല്ല എന്റെ ധര്മം.. അത്
നോക്കി ഇരിക്കാനും ആവില്ല.. ആയതിനാല് എന്റെ ഇവിടുത്തെ ശുശ്രുഷ അവസാനിപ്പിക്കാന്
ഉദ്ദേശിക്കുന്നു, പരമാവധി രണ്ടു മൂന്നു മാസങ്ങള്ക്കുള്ളില്..
അതിനു വേണ്ട
ക്രമീകരണങ്ങള്/ നടപടികള് ഒരുക്കേണ്ടത് ഇടവക കൌണ്സില് എന്ന നിലയ്ക്ക് നിങ്ങളുടെ
ചുമതലയാണ്.. അതുവരെ അടിയന്തിരവും അത്യാവശ്യം അല്ലാത്തതുമായ നടപടികള് നിര്ത്തിവൈക്കാവുന്നതെയുള്ള്..
യേശുവിന്റെ സ്നേഹ,
സഹന, ക്ഷമകളുടെ സമീപനമൊഴിച്ചു മറ്റൊന്നും
പാടില്ല, ആരെയും അകറ്റുകയല്ല ആ രീതി, അടുപ്പിക്കലാണത്...
ഇടവകയുടെ ഐക്യമാണ്
സര്വതാല് പ്രധാനം... എന്ത് വില കൊടുത്തും അത് നേടാനാവണം...
ഒരു മാതൃകാ
ഇടവകയായി, യഥാര്ത്ഥ ദൈവജനമായി, സ്വയം പര്യാപ്തമായ, സ്വാശ്രയ, സ്വാഭിമാന സഭയായി,
സമൂഹമായി മലമുകള് വിരാജിക്കട്ടെ എന്നാ പ്രാര്ത്ഥനയോടെ,
ഫാ. പങ്ക്രേഷ്യസ് (17.03.2014)
